काठमाडौँ, भदौ १९ गते ।
प्रतिनिधिसभा सार्वजनिक लेखा समितिको बैठकमा समितिले तत्काल कार्यसम्पादन गर्नुपर्ने विषय र बेरुजु सम्परीक्षण सम्बन्धमा छलफल भएको छ ।
समितिको आज सिंहदरबारमा बसेको बैठकमा समितिका पूर्व सभापति, पूर्व सचिवहरूलाई आमन्त्रण गरी विगतमा भएका कार्यसम्पादनका विषयमा पनि छलफल भएको थियो ।
बैठकमा समिति सदस्यहरुले लेखा समिति मर्यादित र सम्मानित समिति भएपनि समितिले विगतमा चाहेजस्तो काम गर्न नसकेको धारणा राख्नुभएको थियो ।
सदस्यहरुले ९ सय ६० अर्ब रुपैयाँ बेरुजु रहेकोप्रति चिन्ता व्यक्त गर्दै पदीय जिम्मेवारीमा बसेकाहरूको कार्यशैलीका कारण बेरुजु बढेको बताउनुभयो ।
नेपालमा क्रियाशील एनजिओ र आइएनजिओ पारदर्शी नरहेको भन्दै समितिले त्यसतर्फ पनि ध्यान दिनुपर्नेमा समितिका सदस्यहरुले जोड दिनुभयो ।