हेटौँडा, फागुन २४ गते ।
बलात्कार मुद्दामा मकवानपुर प्रहरीले सात जना किशोरलाई नियन्त्रणमा लिएको छ ।
गत माघ ६ गते हेटौँडा उपमहानगरपालिका २ स्थित वनस्खण्डी मन्दिरभन्दा माथि जङ्गलमा एक युवतीलाई जबरजस्ती करणी गरेको अभियोगमा उनीहरुलाई नियन्त्रणमा लिएको जिल्ला प्रहरी कार्यालय मकवानपुरकको प्रहरी नायव उपरीक्षक श्यामु अर्यालले जानकारी दिनुभयो ।
पीडित युवतीले फागुन २१ गते जिल्ला प्रहरी कार्यालयमा जाहेरी दिएपछि अनुसन्धान गर्ने क्रममा फागुन २२ गते हेटौँडाको विभिन्न स्थानमा बस्ने पाँच जना आरोपित किशोरलाई नियन्त्रणमा लिई मकवानपुर जिल्ला अदालत हेटौँडाबाट जबरजस्ती करणी कसुर मुद्दामा पाँच दिनको म्याद अनुमती लिई अनुसन्धान कार्य भईरेको प्रहरीले जनाएको छ । साथै फागुन २३ गते थप दुई जना आरोपित किशोरलाई नियन्त्रणमा लिई अनुसन्धान भईरहेको प्रहरी कार्यालयको भनाई छ ।
प्रहरी कार्यालयका अनुसार उक्त घटनामा संलग्न पक्राउ परेका आरोपित किशोरहरु १८ बर्ष भन्दा मुनीको रहेको हुँदा नाम, थर वतन तथा तस्बिर सार्वजनिक नगरिएको हो ।
जबरजस्ती करणी मुद्दामा सात जना किशोर पक्राउ
