हेटौँडा, २० चैत २०८१ । मानवसेवा आश्रमले मुख्य कार्यालयको क्षमता विकास तथा अक्षयकोष श्रीवृद्धि गर्ने उद्देश्यले आइतबारदेखि हेटौँडामा सुरू आयोजना गरिएको महायज्ञमा दाताहरूको सहभागिता बढ्दै गएको छ । हेटौँडामा जारी महायज्ञमा मंगलबारसम्ममा १३ लाख ७३ हजार ९७३ रूपियाँ दान प्राप्त भएको मानवसेवा आश्रम वृत्त विभागले जनाएको छ ।
त्यस्तै मंगलबार महायज्ञमा नारायणी यातायात व्यवसायी संघले पाँच लाख ११ हजार ११५ रुपियाँ (एक कोठा निर्माण) प्रदान गर्ने घोषणा गरेको छ ।
महायज्ञमा हेटौँडा उपनगरपालिका(११ मकवानपुर निवासी किश्वर शर्मा कँडेलले अक्षयकोषको लागि दुई लाख २२ हजार २२२ रुपियाँ दान गर्नुभयो ।
हाल अस्ट्रेलिया निवासी बद्री बरुवाल र केदार बरुवाल एक–एक लाख रुपियाँ दिने प्रतिबद्धता गर्नुभएको आश्रमले जनाएको छ । लिला उप्रेतीले आजीवन भोजनसेवा सदस्यता ग्रहण बापत एक लाख ११ हजार १११ रुपियाँ योगदान गर्ने प्रतिबद्धता गर्नुभएको छ ।
अक्षयकोष श्रीवृद्धिको लागि महायज्ञमा ओमकार कँडेल र भवानी कँडेलले १५ हजार ५५५, मुक्तलाल पौडेलले १५ हजार पाँच, दिलाराम सापकोटाले पाँच हजार पाँच, राजेन्द्रप्रसाद ढकाल र एलिना रिजाल ढकालले पाँच हजार पाँच, जेश देउजाले पाँच हजार पाँच सय, शालिक राम शर्मा र जानकी देवी शर्माले पाँच हजार १०५ , अक्षयकोष श्रीवृद्धिको लागि राजुकुमारी श्रेष्ठ र कुमार श्रेष्ठले १५ हजार ५ ५५, भरतप्रसाद अधिकारीले पाँच हजार १२० र गोपाल खरेलले पाँच हजार ५५५ रूपियाँ दान गर्नुभएको छ ।
महायज्ञमा अक्षयकोष श्रीवृद्धिको लागि गुप्तेश्वर टोल विकास संस्थाले (अध्क्षय कृष्णबहादुर भेटवाल) १० हजार १ ८५, गोरक्षेश्वर क्षेत्र विकास समितिले २१ हजार, सावित्रादेवी घिमिरे तथा समस्त परिवारले २१ हजार १११ रूपियाँ, सूर्योदय टोल विकास संस्थाले १६ हजार ६६० र मिलन टोल विकास संस्थाले २१ हजार ४३५ रूपियाँ योगदान गर्ने भएको छ ।
त्यस्तै महायज्ञको अवसर पारेर आश्रमले लामो समयदेखि मावसेवा आश्रममा समर्पित १० जना अभियान्ताका अभिभावकहरूलाई अभिनन्दन गरेको छ ।
मावसेवा आश्रम मुख्य कार्यालयको क्षमता विकास तथा अक्षयकोष श्रीवृद्धिमा गर्ने उद्देश्यले आयोजना गरिएको महायज्ञ चैत २४ गतेसम्म सञ्चालन हुनेछ ।
