हेटौँडा, चैत २१ गते ।
मकवानपुर प्रहरीले एक युवकको हत्यामा संलग्नभएको आशंककामा चार महिलासहित सात जनालाई नियन्त्रणमा लिएको छ ।
को बागमती गाउँपालिका ८ स्थित भुवनचुली देउडीभञ्जाङमा बुधबार हेटौँडा उपमहानगरपालिका १६ चिसापानीका मिलन दंगाल मृत अवस्थामा फेला परेपछि उक्त घटनाको प्रारम्भिक अनुसन्धानको क्रममा प्रहरीले सातजनालाई नियन्त्रणमा लिएको हो ।
३७ वर्षीय दंगाल देउडीभज्याङबाट करिब ४०/५० मिटर तल मदनभण्डारी लोकमार्गको दायाँतर्फको नालीमा मृत अवस्थामा बुधबार बिहान ६ः५० बजेको समयमा भेटिएको जिल्ला प्रहरी कार्यालय मकवानपुरका प्रहरी नायव उपरीक्षक श्यामु अर्यालले जानकारी दिनुभयो ।
सो घटनाको सम्बन्धमा सोधपुछ तथा अनुसन्धानको लागि सात जना व्यक्तिहरु नियन्त्रणमा लिएर थप अनुसन्धान भइरहेको बताउनुभयो ।
प्रहरी टोली घटनास्थलमा प्रारम्भिक अनुसन्धानको क्रममा सातजनालाई नियन्त्रणमा लिई मकवानपुर जिल्ला अदालत हेटौँडाबाट ज्यान सम्बन्धी कसुर मुद्धामा सात दिनको म्याद अनुमती लिई थप अनुसन्धान गरिरहेको जनाएको छ ।
पक्राउ पर्नेहरुमा मकवानपुर बकैया गाउँपालिका वडा नं. ३ बस्ने वर्ष ३६ को प्रशान्त लामा, जिल्ला ललितपुर गोदावारी नगरपालिका वडा नं. १२ बस्ने वर्ष २४ को किसन दानी, निजगढ नगरपालिका वडा नं. ३ बस्ने वर्ष १९ की इनिसा तिमल्सेना, हेटौँडा उपमहानगरपालिका वडा नं. १५ बस्ने वर्ष १९ की सुस्मिता तामाङ, सिन्धुली मरिन गाउँपाालिका वडा नं. ७ बस्ने वर्ष २० की शर्मिला मुक्तान, वर्ष १९ की रोजिना तामाङ र हेटौँडा १६ का वर्ष २८ का सुजन पौडेल रहेका छन् ।
