काठमाडौँ, भदौ २९ गते । सरकारले जेनजी आन्दोलनको क्रममा मृत्यु भएकाहरुलाई शहीद घोषणा गर्ने निर्णय गरेको छ । नवनियुक्त प्रधानमन्त्री सुशीला कार्कीले आइतबार पदभार ग्रहणगर्दै यस्तो निर्णय गरेको जानकारी गराउनु भएको हो ।
यस्तै जेन-जी आन्दोलनमा मृत्यु भएका व्यक्तिका परिवारलाई सरकारले प्रतिव्यक्ति १० लाख रुपैयाँ क्षतिपूर्ति उपलब्ध गराउने निर्णय भएको उहाँले जानकारी गराउनु भएको छ । सरकारले आन्दोलका घाइतेहरूको निशुल्क उपचार र केही राहतको निर्णय गरेको छ ।
पदभार ग्रहण गरेपछि नवनियुक्त प्रधानमन्त्री कार्कीले जेनजी आन्दोलनले मुलुकको अत्यावश्यक संस्थाका कागजातहरु जलाउनु दुःखद भएको भन्दै राज्यका महत्वपूर्ण सम्पति जलाउनेहरुमाथि अनुसन्धान गरी कारवाही गरिने प्रतिवद्धता जनाउनुभयो ।
सडकबाट जेनजी युवाहरुको मागले आफू जिम्मेवारीमा आएको स्पष्ट पार्नुहुँदै प्रधानमन्त्री कार्कीले तोकिएको समयमा निर्वाचन गरिने प्रतिवद्धता पनि जनाउनुभयो । सडकबाट जेनजी युवाहरूको मागले आफू जिम्मेवारीमा आएको स्पष्ट पार्नुहुँदै प्रधानमन्त्री कार्कीले तोकिएको समयमा निर्वाचन गरी नयाँ नेतृत्वलाई सत्ता हस्तान्तरण गर्न आफू प्रतिबद्धता रहेको बताउनुभयो
प्रधानमन्त्री कार्कीले भदौ २३ र २४ गतेको जेनजी आन्दोलनमा भएको आगजनी र तोडफोडका घटना सुनियोजित र लामो तयारीका साथ गरिएको हुन सक्ने बताउनुभयो । जेनजी आन्दोलनका क्रममा सिंहदरबार, संसद् भवन, सर्वोच्च अदालत, व्यापारिक केन्द्रलगायतका देशैभरका सम्पत्तिमाथि भएको आगजनी लज्जास्पद भएको पनि बताउनुभयो । त्यसअघि प्रधानमन्त्री कार्कीले आज बिहान लैनचौरस्थित शहीद स्मारक पुगेर माल्यार्पण गर्नुभएको थियो ।
