दाङ, असोज २२ गते ।
लुम्बिनी प्रदेशका अर्थमन्त्री धनबहादुर मास्की सवार गाडी सोमबार दुर्घटनामा परेको छ ।
सडकमा एक्कासी आएको बच्चालाई चालकले बचाउन खोज्दा दुर्घटना भएको अर्थमन्त्रीका प्रेस सल्लाहकार दीपक बोहोराले जानकारी दिनुभयो ।
लु १ झ ७३८ नम्बरको गाडी तुलसीपुर उपमहानगरपालिका–१२ शीतलपुरमा कार्यक्रम सकेर फर्किँदै गर्दा गाडी दुर्घटनामा परेको हो । सडकमा एक्कासी बच्चा आएपछि बचाउने क्रममा गाडी सडक छेउको नालामा पुगेको हो।
बोहराका अनुसार गाडीमा भएकाहरूलाई सामान्य चोटपटक लागेको छ । गाडीमा पाँच जना सवार हुनुहुन्थ्यो ।
