काठमाडौँ , चैत २२ गते । उच्च अदालत तुलसीपुरको बुटवल इजलासले राष्ट्रिय स्वतन्त्र पार्टी(रास्वपा)का सभापति रवि लामिछानेलाई रूपन्देहीको सुप्रिम सहकारी ठगी तथा सङ्गठित अपराधमा थुनामा पठाउने आदेश गरेको छ ।
यसअघि रुपन्देही जिल्ला अदालतले दिएको फैसला उल्ट्याउँदै उच्च अदालत तुलसीपुरको बुटवल इजलासका न्यायाधीश रमेश ढकाल र स्वीकृति पराजुलीको संयुक्त इजलासले लामिछानेलाई थुनामा पठाउने आदेश गरेको हो ।
उक्त मुद्दामा रुपन्देही जिल्ला अदालतले एक करोड धरौटीमा रिहा हुने आदेश गरेको थियो । उच्च अदालत बुटवल इजलासले उक्त मुद्दा बदर गर्दै रविलाई पुर्पक्षका लागि थुनामा राखेर अनुसन्धान अघि बढाउन आदेश दिएसँगै रवि लामिछाने पुन जेल जानुहुने भएको छ
यसैगरी, छविलाल जोशीलाई सम्बन्धमा भने यसअघि जिल्ला अदालत रुपन्देहीले गरेको थुनामा पठाउने आदेश सदर गरेको छ ।
