धादिङ, असोज २० गते । धादिङको त्रिपुरासुन्दरी गाउँपालिका वडा नम्वर ५ छाप कठेरीमा एक महिलाको खुडा प्रहार गरी हत्या भएको छ । कठेरीकी ५५ वर्षीया राममायाँ कडेँलको गए राति १० बजेतिर घरको आँगनमा खुडाले प्रहार गरी हत्या गरिएको अवस्थामा शव भेटिएको प्रहरीले जनाएको छ ।
धादिङका प्रहरी प्रमुख भेषराज रिजालका अनुसार हत्या गरिएको अभियोगमा राममायाँका ३० वर्षीय छोरा यमबहादुर कडेँललाई प्रहरीले नियन्त्रणमा लिएको छ । हत्या गरेको थाहा पाएर पुगेका छिमेकिलाई समेत यमबहादुरले खुडा देखाएर तर्साएको स्थानीयले बताएका छन् ।
स्थानीय चौकी, सल्यान्टार प्रहरी चौकी र जिल्लाबाट गएका प्रहरीले यमबहादुरलाई घरबाट नै नियन्त्रणमा लिएको पनि धादिङका प्रहरी प्रमुख रिजालले बताउनु भयो । घटनाको बारेमा थप अनुसन्धान भइरहेको छ ।
