काठमाडौँ, पुस ३० गते । नेपाली काँग्रेसको विशेष महाधिवेशन पक्षधरले सभापति र महामन्त्रीको टुङ्गो लगाएको छ । सभापतिमा गगन कुमार थापा, महामन्त्रीमा प्रदीप पौडेल र गुरुराज घिमिरेको मात्र मनोनय परेसँगै सभापति र महामन्त्रीको टुङ्गो लगाएको हो ।
अन्य पदाधिकारीहरुका साथै केन्द्रीय सदस्यहरुको नामावली टुङ्गो लगाइएसँगै थापाको नेतृत्वमा नयाँ कार्यसमिति घोषणा गर्ने तयारी भइरहेको छ ।
राति अवेरसम्म भएपनि कार्यसमिति चयन गर्ने र भोलि निर्वाचन आयोगमा बुझाउने तयारी रहेको विशेष महाधिवेशन आयोजक समितिले जनाएको छ ।
