नारायणगढ, कात्तिक ४ गते । पूर्व पश्चिम राजमार्गको टिकौली जङ्गलमा भएको दुर्घटनामा एकजनाको मृत्यु र नौजना घाइते भएका छन् ।
मगलवार साझ ५ बजे रत्ननगर न.पा. ९ टिकौली जंगल स्थितमा नारायणगढबाट टांडी तर्फ आउँदै गरेको ना३ख ९९८६ नम्बरको मिनि बस र विपरीत दिशाबाट जाँदै गरेको विएवि ५००८ नम्बरको कार एक आपसमा ठक्कर खाँदा सो दुर्घटना भएको हो ।
बसमा सवार रत्ननगर न.पा.१० बस्ने वर्ष ३३ की पुजा सुवेदीको भरतपुर अस्पतालमा मृत्यु भएको प्रहरी नायव उपरिक्षक रविन्द्र खनालले जानकारी दिनुभयो । सुवेदीको अस्पताल पुर्याएपछि मृत्यु भएको हो । सुवेदीको ट्रकमा च्यापिएर निधन भएको हो । घाइते सबैको चितवन मेडिकल कलेजमा उपचार भइरहेको छ ।
