काठमाडौँ, माघ १२ गते । नेपाली कांग्रेसका सभापति गगन कुमार थापाले आफुले मधेशको विकास सम्मानका लागि पटक -पटक सदनमा उठाएको र अब त्यसको समाधान दिने गरी मधेशमा आएको बताउनु भएको छ। सर्लाही निर्वाचन क्षेत्र नम्बर ४ मा आयोजित चुनावी भेटघाट कार्यक्रमलाई सम्बोधन गर्दै सभापति थापाले नेपाली राजनीतिमा मधेशले प्रजातन्त्रका लागि दिएको योगदान बिर्सन नसकिने रहेको उल्लेख गर्नु भयो ।
नेपालको प्रजातन्त्रिक आन्दोलमा मधेशको योगदानको चर्चा गर्दै सभापति थापाले भन्नु भयो “नेपालको प्रजातान्त्रिक आन्दोलनमा यति ठूलो योगदान दिएको, यति धेरै सहिद दिएको मधेशले सिंगो नेपालमा पाउनुपर्ने मान–सम्मान किन पाएन ?’ यो प्रश्न उत्तर दिने गरी मधेश आएको छ । यस पटक म प्रश्न मात्र उठाउने गरी होइन, त्यसको उत्तर खोज्ने र समाधान दिने गरी तपाईँहरूको प्रतिनिधि बन्न आएको हुँ, ।
सभापति थापाले कांग्रेसका दिवंगत नेता प्रदीप गिरीलाई स्मरण गर्दै मधेशले नेपालमा प्रजातन्त्र स्थापनाका लागि खेलेको ऐतिहासिक भूमिकाबारे आफू जानकार रहेको बताउनु भयो । सभापति थापाले माधेशमा खस्किदो शिक्षा स्तरबारे पनि चिन्ता व्याक्त गर्नु भयो ।
